- Album Intro
- Lyrics
- Album list
- Singer Intro
曾瑋中
-
眠床
Lyricist:徐哲緯 Composer:徐哲緯 Arranger:三秒
天猶未光 你就開始無閒 為著規家伙仔 會當溫飽 恬恬出門
日頭落山 你猶未歇睏 為著規家伙仔 袂記食暗頓 偌辛苦 攏吞忍
厝內的眠床 有歲月的傷痕 一條一條抹甲齊勻 像你額頭的皺痕 刻著遮濟年 為咱付出的青春
厝內的眠床 你叫阮有閒就轉來睏 你猶原是阮的棉襀被 予阮寒天毋驚冷 毋管這馬的阮 離開偌久偌遠
一碗麵 一匙飯 儉腸凹肚望阮快樂 一枝草 一點露 相信我會 行出我的路
------------------------------------------
15642/《眠床》Bîn-tshn̂g 曾瑋中Tsan Uí-tiong/Kuljelje
天猶未光 thinn iáu-buē kng 你就開始無閒 lí tiō khai-sí bô-îng 為著規家伙仔 uī-tio̍h kui-ke-hué-á 會當溫飽 ē-tàng un-pá 恬恬出門 tiām-tiām tshut-mn̂g
日頭落山 ji̍t-thâu lo̍h-suann 你猶未歇睏 lí iáu-buē hioh-khùn 為著規家伙仔 uī-tio̍h kui-ke-hué-á 袂記食暗頓 buē-kì tsia̍h àm-tǹg 偌辛苦 guā sin-khóo 攏吞忍 Find more lyrics at ※ Mojim.com lóng thun-lún
厝內的眠床 tshù-lāi ê bîn-tshn̂g 有歲月的傷痕 ū suè-gua̍t ê siong-hûn 一條一條 tsi̍t-tiâu-tsi̍t-tiâu 抹甲齊勻 buah kah tsiâu-ûn 像你額頭的皺痕 tshiūnn lí hia̍h-thâu ê jiâu-hûn 刻著遮濟年 khik tio̍h tsiah tsē nî 為咱付出的青春 uī lán hù-tshut ê tshing-tshun
厝內的眠床 tshù-lāi ê bîn-tshn̂g 你叫阮有閒 lí kiò gún ū-îng 著轉來睏 tio̍h tńg-lâi khùn 你猶原是 lí iu-guân sī 阮的棉襀被 gún ê mî-tsioh-phuē 予阮寒天毋驚冷 hōo gún kuânn-thinn m̄-kiann líng 毋管這馬的阮 m̄-kuán tsit-má ê gún 離開偌久偌遠 lī-khui guā kú guā hn̄g ---
一碗麵 tsi̍t-uánn mī 一匙飯 tsi̍t-sî pn̄g 儉腸凹肚 khiām-tn̂g-neh-tōo 望阮快樂 bāng gún khuài-lo̍k 一枝草 tsi̍t-ki tsháu 一點露 tsi̍t-tiám lōo 相信我會 siong-sìn guá ē 行出我的路 kiânn tshut guá ê lōo
- Special thanks to W.B. Chen for correcting the lyric.
- Related Links: W.B. Chen
|